سورۃ الانشقاق
بِسْمِ اللّٰهِ الرَّحْمَٰنِ الرَّحِيمِ
جب آسمان پھٹ جائے گا■
اور اپنے پروردگار کے حکم کی تعمیل کرے گا اور اس کے لئے وہی لائق ہے■
اور جب زمین پھیلا دی جائے گی■
اور جو کچھ اس میں ہے باہر پھینک کر خالی ہو جائے گی■
اور اپنے پروردگار کے حکم کی تعمیل کرے گی اور اس کے لئے وہی لائق ہے■
اے انسان! تو اپنے پروردگار کی طرف تگ و دو کر رہا ہے پھر اس سے جا ملے گا■
تو جس کا نامہ اعمال اس کے دائیں ہاتھ میں دیا جائے گا■
تو اس سے جلد حساب لیا جائے گا■
اور اپنے لوگوں میں خوش خوش جائے گا■
اور جس کا نامہ اعمال اس کی پیٹھ کے پیچھے دیا جائے گا■
وہ موت کو پکارے گا■
اور دوزخ میں داخل ہوگا■
وہ اپنے گھر میں خوش تھا■
اس نے خیال کیا کہ وہ کبھی لوٹ کر نہ آئے گا■
ہاں ہاں! اس کا پروردگار اسے دیکھ رہا تھا■
تو میں شام کے وقت کی قسم کھاتا ہوں■
اور رات کی اور جو کچھ وہ سمیٹ لیتی ہے■
اور چاند کی جب وہ پورا ہوجاتا ہے■
کہ تم ضرور ایک حال سے دوسرے حال میں منتقل ہوتے رہو گے■
تو ان لوگوں کو کیا ہوگیا ہے کہ ایمان نہیں لاتے■
اور جب ان کے سامنے قرآن پڑھا جاتا ہے تو سجدہ نہیں کرتے■
بلکہ کافر جھٹلاتے ہیں■
اور جو کچھ یہ جمع کرتے ہیں الله اسے خوب جانتا ہے■
تو ان کو دکھ دینے والے عذاب کی خوشخبری سنا دو■
ہاں جو لوگ ایمان لائے اور عمل نیک کیے ان کے لئے بےانتہا اجر ہے■
© Translation: Fateh Mohammad Jalandhri
This translation is copyright free and free of any restrictions.