سورۃ النازعات
بِسْمِ اللّٰهِ الرَّحْمَٰنِ الرَّحِيمِ
قسم ان کی جو سختی سے کھینچتی ہیں■1
جو نرمی سے کھول دیتی ہیں■2
جو تیرتی پھرتی ہیں■3
جو دوڑ کر آگے بڑھ جاتی ہیں■4
جو حکم کی تدبیر کرتی ہیں■5
جس دن زلزلہ (کانپنے والا سب) کانپے گا■6
پیچھے آنے والا اس کے پیچھے آئے گا■7
اس دن بہت سے دل دھڑکتے ہوں گے■8
ان کی آنکھیں جھکی ہوئی ہوں گی■9
کہتے ہیں کہ کیا ہم پھر پہلی حالت میں لوٹا دیئے جائیں گے■10
کیا جب ہم بوسیدہ ہڈیاں ہو جائیں گے■11
وہ کہتے ہیں کہ یہ تباہ کن واپسی ہے■12
یقینا وہ ایک ہی زور ہے■13
پس ناگاہ وہ زمین کے اوپر ہوں گے■14
کیا تمہارے پاس موسیٰ کی خبر آئی ہے■15
جب اس کو اس کے رب نے مقدس وادی طویٰ میں پکارا■16
کہ فرعون کے پاس جا وہ سرکش ہو گیا ہے■17
پس اس سے کہو کہ کیا تو پاک ہو گا■18
اور یہ کہ تجھے تیرے رب کی راہ دکھاؤں تاکہ تو ڈر جائے■19
پھر اس نے اس کو بڑی نشانی دکھائی■20
پس اس نے جھٹلایا اور نافرمانی کی■21
پھر پیٹھ پھیر کر دوڑنے لگا■22
پس اس نے لوگوں کو جمع کیا اور پکارا■23
پھر کہا کہ میں تمہارا سب سے بڑا رب ہوں■24
پس اللّٰه نے اس کو دنیا اور آخرت کے عذاب میں پکڑ لیا■25
یقینا اس میں عبرت ہے اس کے لئے جو ڈرتا ہے■26
کیا تمہارے پیدا کرنا مشکل ہے یا آسمان کا جس کو اس نے بنایا■27
اس نے اس کی چھت کو بلند کیا پھر اس کو درست کیا■28
اور اس کی رات کو تاریک بنایا اور اس کے دن کو نکالا■29
اور اس کے بعد زمین کو پھیلایا■30
اس میں سے اس کا پانی اور چارہ نکالا■31
اور پہاڑوں کو گاڑھا■32
تمہارے اور تمہارے مویشیوں کے فائدے کے لئے■33
پس جب بڑی آفت آئے گی■34
جس دن انسان اپنے کیے کو یاد کرے گا■35
اور دوزخ ظاہر ہو گا ہر دیکھنے والے کے لئے■36
پس جو سرکش ہو گا■37
اور دنیا کی زندگی کو ترجیح دے گا■38
پس دوزخ ہی اس کا ٹھکانہ ہے■39
اور جو اپنے رب کے سامنے کھڑے ہونے سے ڈرتا تھا اور نفس کو خواہش سے روکتا رہا■40
پس جنت ہی اس کا ٹھکانہ ہے■41
وہ تجھ سے قیامت کے متعلق پوچھتے ہیں کہ اس کا وقوع کب ہو گا■42
تجھے اس کا ذکر کہاں سے ہو■43
اس کا علم تو تیرے رب ہی کو ہے■44
تو تو صرف اس کو ڈرانے والا ہے جو اس سے ڈرے■45
گویا کہ جس دن وہ اسے دیکھیں گے تو نہیں ٹھہرے مگر ایک شام یا اس کی صبح■46
©
Translation: Fateh Mohammad Jalandhri
This translation is copyright free and free of any restrictions.