سورۃ النبأ
بِسْمِ اللّٰهِ الرَّحْمَٰنِ الرَّحِيمِ
کس چیز کے بارے میں وہ پوچھتے ہیں؟■1
اس بڑی خبر کے بارے میں■2
جس کے متعلق وہ اختلاف کرتے ہیں■3
نہیں، جلد ہی وہ جان جائیں گے■4
پھر نہیں، جلد ہی وہ جان جائیں گے■5
کیا ہم نے زمین کو فرش نہیں بنایا■6
اور پہاڑوں کو میخیں■7
اور تمہیں جوڑا جوڑا بنایا■8
اور تمہاری نیند کو آرام کا باعث بنایا■9
اور رات کو پردہ بنایا■10
اور دن کو معاش کا وقت بنایا■11
اور تمہارے اوپر سات مضبوط آسمان بنائے■12
اور ایک روشن چراغ (سورج) بنایا■13
اور ہم نے بادلوں سے موسلادھار پانی نازل کیا■14
تاکہ ہم اس سے اناج اور نباتات اگائیں■15
اور گھنے باغات■16
بیشک فیصلہ کا دن مقررہ وقت ہے■17
جس دن صور میں پھونک ماری جائے گی تو تم گروہ در گروہ آ جاؤ گے■18
اور آسمان کھول دیا جائے گا تو دروازے ہی دروازے ہو جائے گا■19
اور پہاڑ چلائے جائیں گے تو سراب ہو جائیں گے■20
یقیناً جہنم ایک گھات میں ہے■21
سرکشوں کا ٹھکانا■22
جس میں وہ مدتوں پڑے رہیں گے■23
نہ اس میں کسی ٹھنڈک کا مزہ چکھیں گے نہ کسی پینے کی چیز کا■24
سوائے کھولتے ہوئے پانی اور پیپ کے■25
پورا پورا بدلہ■26
وہ کسی حساب کی امید نہیں رکھتے تھے■27
اور ہماری آیتوں کو بالکل جھٹلاتے تھے■28
اور ہم نے ہر چیز کو لکھ رکھا ہے■29
پس چکھو، ہم تمہارے لئے عذاب ہی زیادہ کریں گے■30
بیشک پرہیزگاروں کے لئے کامیابی ہے■31
باغ اور انگور■32
اور نوخیز ہم عمر دوشیزائیں■33
اور لبالب بھرے ہوئے جام■34
وہ اس میں نہ کوئی لغو بات سنیں گے اور نہ کوئی جھوٹ■35
آپ کے رب کی طرف سے ایک بدلہ، صلہ■36
جو آسمانوں اور زمین اور جو کچھ ان کے درمیان ہے، کا رب ہے، رحمٰن، یہ وہ دن ہے جس میں وہ اس سے کچھ بات نہ کر سکیں گے■37
جس دن روح اور فرشتے صف بستہ کھڑے ہوں گے، کوئی نہ بول سکے گا سوائے اس کے جسے رحمٰن اجازت دے اور وہ صحیح بات کہے■38
یہ یقیناً سچ کا دن ہے، پس جو چاہے اپنے رب کے پاس ٹھکانا بنا لے■39
ہم نے تمہیں قریب آنے والے عذاب سے ڈرایا ہے، جس دن ہر شخص اپنے اعمال کو دیکھے گا جو اس نے آگے بھیجے اور کافر کہے گا، کاش! میں خاک ہوتا■40
©
Translation: Fateh Mohammad Jalandhri
This translation is copyright free and free of any restrictions