سورۃ القیامہ
بِسْمِ اللّٰهِ الرَّحْمَٰنِ الرَّحِيمِ
نہیں! میں قسم کھاتا ہوں قیامت کے دن کی■1
اور نہیں! میں قسم کھاتا ہوں ملامت کرنے والے نفس کی■2
کیا انسان یہ سمجھتا ہے کہ ہم اس کی ہڈیاں جمع نہ کریں گے؟■3
کیوں نہیں! ہم اس کے پور پور بنانے پر قادر ہیں■4
بلکہ انسان یہ چاہتا ہے کہ آگے آگے گناہ کرتا رہے■5
وہ پوچھتا ہے قیامت کا دن کب ہو گا؟■6
پس جب آنکھ چندھیا جائے گی■7
اور چاند بے نور ہو جائے گا■8
اور سورج اور چاند جمع کر دیے جائیں گے■9
اس دن انسان کہے گا کہاں بھاگ کر جاؤں؟■10
ہرگز نہیں! کوئی پناہ گاہ نہیں■11
اس دن تمہارے رب کی طرف ہی ٹھکانا ہو گا■12
اس دن انسان کو جتلایا جائے گا جو اس نے آگے بھیجا اور جو پیچھے چھوڑا■13
بلکہ انسان خود اپنا گواہ ہے خواہ وہ کتنے ہی بہانے بنائے■14
تو حرکت نہ دے اپنی زبان کو اس (قرآن) کو جلدی جلدی پڑھنے کے لیے■16
بے شک اس کا جمع کرنا اور پڑھوانا ہمارے ذمہ ہے■17
پس جب ہم اسے پڑھ چکیں تو تم اس کے پڑھنے کی پیروی کرو■18
پھر اس (کے معانی) کو کھول دینا ہمارے ذمہ ہے■19
ہرگز نہیں! بلکہ تم لوگ جلدی جلدی (دنیا) چاہتے ہو■20
اور آخرت کو چھوڑے ہوئے ہو■21
اس دن کئی چہرے تروتازہ ہوں گے■22
اپنے رب کی طرف دیکھتے ہوں گے■23
اور اس دن کئی چہرے اُداس ہوں گے■24
سمجھتے ہوں گے کہ ان کے ساتھ پیٹھ توڑنے والا معاملہ کیا جائے گا■25
ہرگز نہیں! جب جان ہنسلی تک پہنچ جائے■26
اور کہا جائے کون جھاڑ پھونک کرنے والا ہے■27
اور وہ سمجھ جائے کہ یہ وقت جدائی کا ہے■28
اور پنڈلی سے پنڈلی جڑ جائے■29
اس دن تمہارے رب کی طرف ہی ٹھکانا ہو گا■30
پھر اس نے نہ سچ مانا اور نہ نماز پڑھی■31
بلکہ جھٹلایا اور منہ موڑ لیا■32
پھر اکڑتا ہوا اپنے گھر والوں کے پاس چلا گیا■33
افسوس ہے تم پر اور افسوس ہے■34
پھر افسوس ہے تم پر اور افسوس ہے■35
کیا انسان یہ سمجھتا ہے کہ اسے یونہی چھوڑ دیا جائے گا؟■36
کیا وہ ایک حقیر پانی کا قطرہ نہ تھا جو (رحم مادر میں) ٹپکایا گیا تھا؟■37
پھر وہ لوتھڑا بنا، پھر اللہ نے اس کا جسم بنایا اور اس کے اعضا درست کیے■38
پھر اس سے جوڑے یعنی مرد اور عورت بنائے■39
کیا وہ (اللہ) اس پر قادر نہیں کہ مردے کو زندہ کر دے؟■40
©
Translation: Fateh Mohammad Jalandhri
This translation is copyright free and free of any restrictions.