سورۃ الملک
بِسْمِ اللّٰهِ الرَّحْمَٰنِ الرَّحِيمِ
بابرکت ہے وہ ذات جس کے ہاتھ میں بادشاہت ہے اور وہ ہر چیز پر قادر ہے■1
جس نے موت اور حیات کو پیدا کیا تاکہ تمہیں آزمائے کہ تم میں سے کون عمل میں بہتر ہے اور وہ غالب ہے بخشنے والا■2
جس نے سات آسمان اوپر تلے بنائے، تم رحمٰن کی تخلیق میں کسی قسم کی بے نظمی نہ دیکھو گے، پھر ذرا نظر دوڑاؤ کہ کہیں تمہیں کوئی خلل نظر آتا ہے■3
پھر دوبارہ نظر کرو، تمہاری نظر ناکام و نامراد واپس آئے گی■4
اور ہم نے آسمان دنیا کو چراغوں سے سجایا ہے اور ہم نے ان کو شیاطین کے مارنے کا ذریعہ بھی بنایا اور ہم نے ان کے لیے بھڑکتی آگ کا عذاب تیار کیا ہے■5
اور جنہوں نے اپنے رب کا انکار کیا ان کے لیے جہنم کا عذاب ہے اور وہ بہت ہی برا ٹھکانا ہے■6
جب اس میں ڈالے جائیں گے تو اس کا شور سنیں گے اور وہ جوش مار رہی ہوگی■7
گویا کہ وہ غصہ سے پھٹی جاتی ہے، جب بھی اس میں ایک گروہ ڈالا جائے گا تو اس کے داروغہ ان سے پوچھیں گے کہ کیا تمہارے پاس کوئی ڈرانے والا نہیں آیا تھا■8
وہ کہیں گے کہ ہاں کیوں نہیں، بیشک ہمارے پاس ایک ڈرانے والا آیا تھا مگر ہم نے جھٹلایا اور کہا کہ اللہ نے کچھ بھی نازل نہیں کیا تم بڑی گمراہی میں ہو■9
اور وہ کہیں گے کہ اگر ہم سنتے یا سمجھتے ہوتے تو ہم اہل جہنم میں نہ ہوتے■10
پھر وہ اپنے گناہ کا اقرار کریں گے تو (دور ہو) جہنم والوں کے لیے رحمت■11
بےشک جو لوگ اپنے رب سے بِن دیکھے ڈرتے ہیں ان کے لیے مغفرت اور بڑا اجر ہے■12
اور تم اپنی بات پوشیدہ کہو یا اسے ظاہر کرو، بےشک وہ دلوں کی باتوں کو خوب جانتا ہے■13
کیا وہ ذات نہ جانے جس نے پیدا کیا ہے، اور وہی لطیف و خبیر ہے■14
وہی ہے جس نے تمہارے لیے زمین کو تابع بنا دیا تاکہ اس کے راستوں میں چلو اور اس کے رزق سے کھاؤ اور تمہیں اسی کے پاس لوٹ کر جانا ہے■15
کیا تم اس سے بے خوف ہو گئے ہو جو آسمان میں ہے کہ تمہیں زمین میں دھنسا دے، پس وہ اس وقت کانپنے لگے■16
یا تم اس سے نڈر ہو گئے ہو جو آسمان میں ہے کہ تم پر پتھر برسانے والی ہوا بھیج دے، پس تم جان لو گے میرا ڈرانا کیسا ہے■17
اور ان سے پہلے لوگوں نے بھی جھٹلایا تھا، پس وہ دیکھو کہ میرا انکار کیسا تھا■18
کیا انہوں نے اپنے اوپر پرندوں کو پر پھیلائے اور سکیڑتے نہیں دیکھا، انہیں رحمان کے سوا کوئی نہیں تھامتا، بیشک وہ ہر چیز کو دیکھنے والا ہے■19
بھلا وہ کون سا لشکر ہے جو تمہاری مدد کر سکتا ہے، اللہ کے سوا، کافر تو دھوکے میں ہی ہیں■20
بھلا وہ کون ہے جو تمہیں روزی دے سکتا ہے، اگر وہ اپنی روزی روک لے، بلکہ وہ سرکشی اور نفرت میں اڑے ہوئے ہیں■21
بھلا وہ جو چلتا ہوا ہے اوندھا، زیادہ راہ پر ہے یا وہ جو سیدھے راستے پر چل رہا ہے■22
کہہ دو کہ وہی اللہ ہے جس نے تمہیں پیدا کیا اور تمہارے کان اور آنکھیں اور دل بنائے، تم بہت ہی کم شکر کرتے ہو■23
کہہ دو کہ وہی ہے جس نے تمہیں زمین میں پھیلایا اور تم اسی کی طرف اکھٹے کئے جاؤ گے■24
اور وہ کہتے ہیں کہ یہ وعدہ کب پورا ہو گا اگر تم سچے ہو■25
کہہ دو کہ علم تو اللہ ہی کے پاس ہے اور میں تو صرف صاف صاف ڈرانے والا ہوں■26
پھر جب انہوں نے اسے قریب آتے دیکھا تو کافروں کے چہرے بگڑ گئے اور ان سے کہا گیا کہ یہ ہے جسے تم مانگتے تھے■27
کہہ دو بھلا دیکھو تو، اگر اللہ مجھے اور میرے ساتھیوں کو ہلاک کر دے یا ہم پر رحم کرے، پھر کون ہے جو کافروں کو دردناک عذاب سے بچا سکے■28
کہہ دو کہ وہی رحمان ہے ہم اس پر ایمان لائے اور اسی پر بھروسہ رکھتے ہیں، پس تمہیں جلد معلوم ہو جائے گا کہ کون صریح گمراہی میں ہے■29
کہہ دو کہ بھلا دیکھو تو، اگر تمہارا پانی زمین میں دھنس جائے تو کون ہے جو تمہارے پاس بہتا ہوا پانی لے آئے■30
©
Translation: Fateh Mohammad Jalandhri This translation is copyright free and free of any restrictions